影片
更多
2015-09-01
607 浏览
被迫返大陆厂两日一夜，经过三个几钟车程终于返到大埔，咁鬼辛苦梗系即刻揾好野食啦！早排听到朋友间推介许记，呼声极高，我都要黎亲身验证一下。哗，单𩠌汤面仲维持系 $21 蚊，劲平呀！其他都好抵食，多谢。想试卤水鸡中翼但埋晒，传闻醉鸡髀好正，下次。姐姐虽然忙住包云吞，但都不忘跟食客们打招呼，介绍食物，侍应哥哥都热情有礼好落力，赞！虽然舖仔细细只有三张小圆枱，不过环境光猛企理，感觉好干净，坐得舒服。香草猪扒，无得食鸡翼，刚望到有猪扒，试左您先。炸得得好干爽唔油腻，但略为干左小小，未够 juicy。口感属松化微脆形，好有椒盐猪扒或香茅猪扒影子。香草味浓，整体一般，配鱼露应该较为好味，无咁干，一试无妨。牛腩鱼蛋面走葱，第一次唔知有咩必食招牌菜，由基本试起先啦。原来许记叫走葱都会落韮黄架㖞，韮黄我都免强顶到，但最好唔无啦。香喷喷清彻汤底，浅尝试啖，特浓大地鱼虾籽汤底，而且纯度极高，比附近既老店鱼滑做得更出色！更好味！忍一忍口先，要试埋其他。清甜棉滑牛腩，软塾又无半点渣，卤水同香料入晒味而不呛不浊，依然能食到牛腩原始味道。白雪雪又圆又大既鱼蛋，食得吓㖞。爽弹型鱼蛋，鱼味突出，但不咸不腻，色香味比学利更
被迫返大陆厂两日一夜，经过三个几钟车程终于返到大埔，咁鬼辛苦梗系即刻揾好野食啦！早排听到朋友间推介许记，呼声极高，我都要黎亲身验证一下。哗，单𩠌汤面仲维持系 $21 蚊，劲平呀！其他都好抵食，多谢。想试卤水鸡中翼但埋晒，传闻醉鸡髀好正，下次。
姐姐虽然忙住包云吞，但都不忘跟食客们打招呼，介绍食物，侍应哥哥都热情有礼好落力，赞！虽然舖仔细细只有三张小圆枱，不过环境光猛企理，感觉好干净，坐得舒服。
香草猪扒，无得食鸡翼，刚望到有猪扒，试左您先。炸得得好干爽唔油腻，但略为干左小小，未够 juicy。口感属松化微脆形，好有椒盐猪扒或香茅猪扒影子。香草味浓，整体一般，配鱼露应该较为好味，无咁干，一试无妨。
牛腩鱼蛋面走葱，第一次唔知有咩必食招牌菜，由基本试起先啦。原来许记叫走葱都会落韮黄架㖞，韮黄我都免强顶到，但最好唔无啦。香喷喷清彻汤底，浅尝试啖，特浓大地鱼虾籽汤底，而且纯度极高，比附近既老店鱼滑做得更出色！更好味！忍一忍口先，要试埋其他。
清甜棉滑牛腩，软塾又无半点渣，卤水同香料入晒味而不呛不浊，依然能食到牛腩原始味道。白雪雪又圆又大既鱼蛋，食得吓㖞。爽弹型鱼蛋，鱼味突出，但不咸不腻，色香味比学利更好呢！平静正，底食又好味！
男女主角终于出场喇！其实面同辣椒油先系最重要。好特别既自家辣椒油，重花椒味既辣椒油，好味㖞！味道达中辣程度，既香且辣，辣得黎含蓄慢热。重花椒辣椒油都比鱼滑好味，靓野黎㖞！
面质爽口刚刚好，未算过腍，每啖捞上辣椒渣再挂上香甜浓汤，太好味喇，点停得口，搞到有添食既冲动！鱼滑卖既系柱侯牛腩，瘦肉且边位黐满肥膏，入味而松化。但我都系觉得许记好食啲，虽然帮衬左鱼滑超过十年喇。下次黎试埋我最爱既牛腩捞粗配腩汁，就可以分出胜负喇。
张贴
