許記麵家

营业中

休息中

作為一間太和居民的街坊食堂🍚許記所售的粉麵一向以「平靚正」見稱😎當中的花雕醉雞更是深得民心，基本上是每個食客的必點之選🤩———————————————————————蝦籽份量看似不多🦐但入口鹹鮮味道非常濃烈😳直頭有少許在吃蝦醬的錯覺🤣所以此等份量已經相當足夠，再多反而太重口味👌🏻如果還是覺得太濃的話亦可拌入配送的大地魚湯🐟湯頭味道鮮甜無味精😋可調校濃淡之餘亦可令層次變得豐富👍🏻麵條方面質地口感爽彈😃有少許如橡筋般的韌性，而且完全沒有奇怪的鹼水味😚質素合格有餘✌🏻原隻雞髀肉量十足🐔肉質相當實淨但就未算嫩滑🤔醉雞汁酒味清淡🍃雖然避免了搶喉的酒精苦澀味，但酒香味亦未免過分內斂😅花雕份量再加重一點會比較好🧐而甜味方面亦相當輕柔😗整體調味可以說是十分溫和，相信能迎合大部分人的口味😇———————————————————————許記一向的定位就是街坊生意👫即使成名後亦沒有坐地起價，繼續以相宜價錢和平穩水準服務區內居民😚

之前出嚟踩夜車，經過附近買宵夜，發現有一間麵舖。平時朝頭早真係好少過嚟呢邊，今日專登出嚟食個下午茶。連早餐同午餐都未食。所以一口氣嗌咗個牛腩撈粗加蝦籽。另外再叫多份醉雞。上餐嘅時候見到份牛腩呆咗，超大份，不過望落去應該係牛肋條，同預期有少少出入，不過分量贏咗。個搭粗上面啲蝦籽都落得幾多。跟住試埋佢個醉雞，最厚身嗰啲位雖然唔係好入味，但係整體嚟講都好好食。見到對面位人兄將啲醉雞汁撈落個湯面裏面，我又學吓撈落去個撈麵嗰度，食落去又冇咁乾，再飲返啖湯和一和佢，呢個下午茶超滿足。

平時極少去大埔依個地方，對於有咩美食都係零概念，今次專登問左住大埔既朋友仔有咩推介，佢諗都唔諗就推左許記麵家依間醉雞，既然佢咁講就緊係要試試佢啦。我係星期日既下午去，雖然都坐滿哂但我都唔使等就可以直入去,入到去見到每枱都叫一碟醉雞，咁睇黎真係好出名。由於我地食左個好豐富既早餐，唔算太肚餓，所以我地只係叫左一碗麵同一碟醉雞。🔸招牌花雕醉雞一上菜見到個賣相已經好吸引，係雞髀位置，食落花雕酒味都幾入味，肉質都算滑，唔會好老同埋又唔會好大舊骨，啖啖肉，以依個價錢黎講絕對值得試。🔸蝦籽撈麵蝦籽撈麵個份量都好多，佢仲會有碗湯比你可以同個麵一齊食，兩種食法，蝦籽好多，配落個麵到好好食，面個質地又唔會好冧或者好硬，岩岩好。總括依間店既野食價錢親民得黎又好食。

呢間粉麵店係我住太和嗰時成日去食，偶爾去開大埔都會encore🤤🤤好食又抵食❤️#鮮肉雲吞米粉 $29我自己鍾意鮮肉雲吞多個鮮蝦雲吞😆呢間有鮮肉雲吞，細細粒，一碗5-6粒左右，味道好❤️#招牌花雕醉雞 $30必點一❤️ 呢個次次去食都會點，個醉雞好夠「醉」好入味👍👍我鍾意佢個汁偏甜少少～仲要大大隻雞髀啖啖肉🍖 又滑🤤 推介🙌#滷水豬耳仔 $30必點二😂滷水好食，仲好香麻油味，而且份量都多#清湯牛腩河 $40呢個第一次叫，牛腩算腍同入味，都唔錯～推薦呢間個醉雞髀，夠入味又啖啖肉❤️豬耳仔都係我「飛佛」，呢兩樣必點❤️呢間價錢又合理，支持小店🫶🏻

餐廳清潔整齊，座位不多，是大埔居民的飯堂之一，而且價格親民，性價比高！🌟鹵水豬耳仔$30豬耳處理得非常乾淨，經過精心鹵制，質地脆嫩，鹵汁的香氣深入骨髓，咀嚼時能感受到豬耳獨特的質地。鹵水的香料搭配恰到好處，不會過於濃烈，保留了豬耳本身的鮮香。🌟 🍗招牌花雕醉雞$30 +蝦籽撈麵$29花雕酒來醃制雞髀肉，令雞肉在烹飪過程中吸收了花雕的香氣！入口肉質鮮嫩多汁，帶有淡淡的酒香。蝦籽麵條非常勁道，麵條彈牙，蝦籽的海洋風味濃郁。但整體調味太咸，過於油膩，非常飽肚！

今日去慈山寺，出返嚟重有成半個鐘先有巴士，我又肚餓，諗起有人介紹過呢度醉雞同蝦子撈麵，我就極速去呢度醫肚，再九秒九飛奔去巴士站上車。一入去就點左蝦子豬潤撈麵同埋一份醉雞。麵都彈牙，蝦子香，個湯似有大地魚味但唔肯定。豬膶大塊厚身份量都唔少，重要用韭王，都只係34蚊。醉雞有一隻脾，最重要係好有花雕味，好過我去啲貴餐廳嘅醉雞，都只係28蚊。加埋都係62. 下次入大埔我要再encore! 今次量唔少我又食得好急，真係食到頂住個位。

大埔名物許記醉雞，個個嚟到都話要食醉雞，咁我今次就試吓其他嘢啦。除左醉雞之外，之前有喺度食過蝦子撈麵同豬耳（一定要試）都幾好食，今次就叫左個豬雜麵。 豬雜有四樣野，包括豬心、豬潤、豬肚同埋豬粉腸。基本上應該嫩則嫩，應爽則爽。作為一個豬潤愛好者，呢度嘅豬潤雖然唔係啲咩主打招牌菜，但係都唔錯。 麵質都彈牙爽口，再加埋秘製辣椒油，真係食到lam lam脷。呢度嘅辣椒油都值得推介，係帶有少少麻辣味同埋比起其他麵店嘅辣椒油辣少少。

平時嚟到大埔都比較少食粉麵嘅餐廳，有朋友介紹大埔舊墟附近有一間性價比幾高幾餐廳，款式選擇多，仲要味道都幾都真係幾好食，一於嚟試吓先🍀招牌花雕醉雞 $28 配麵+$10招牌花雕醉雞係用咗雞髀嚟製作，醬汁方面都比較重花雕味，酒香味麵幾突出，雞肉肉質比較嫩滑水潤，雞肉同雞皮部份都吸收晒酒嘅香味，咬落又啖啖肉，食落都真係幾好味㗎，今次加配米粉，湯底比較清淡但有海鮮嘅香味，都真係幾好味㗎整體嚟講呢一間餐廳叫食物性價比都幾高，而且款式選擇都多，都幾推薦大家經過嘅時候嚟試吓㗎好食：❤️❤️❤️❤️🖤抵食：❤️❤️❤️❤️🖤

隱世麵店❤️大埔雖然好多野食多餐廳，不過要搵好食又唔貴嘅真係唔係咁易😂呢間鋪頭都係同事帶我食過先知佢嘅存在🙈因為位置都幾隱蔽，唔係係最繁忙嘅街道，但偏偏好多人都會專登去食今次係叫外賣，為左唔想等，預先打電話去落單先佢最出名應該係醉雞，其他都未試過平時食開嘅醉雞一係就個汁唔夠濃/酒味太勁，一係就雞肉太「鞋」，我好怕食到酒味太勁因為太「啃」，而佢嘅醉雞真係冇得頂👍🏻有酒味之餘唔會「啃」，而個雞肉都算唔錯。而且份量都算多，咁嘅價錢抵食

呢間許記麵家其實開咗好耐，但係食堂位置都係有少少偏遠。最出名就係醉雞麵 你可以選擇配米粉/河粉 可自行選擇 除咗醉雞之外仲有好多選擇，譬如魚蛋粉、牛丸，甚至乎豬膶麵😌今日我帶朋友嚟，佢都係第一次嚟呢度！大大碗醉雞米粉都係$38！呢碟雞係勁大碟，食落係完全唔鞋口，由於醃製過呢大家就唔好期望有食到啲雞味但會有濃濃嘅花雕酒味朋友就食醉雞我自己就食魚蛋米，魚蛋米都好味㗎！我哋兩個加埋連埋兩杯凍飲都係$77呢啲價錢今時今日喺邊度搵呀

今日終於黎試一試呢間的醉雞面，之前朋友都說很好食，我叫了醉雞蝦子撈，和醉雞河粉，大約10分鐘左右就有野食，估唔到雞是原隻雞比，啖啖肉，而且有香濃酒味，非常好食，蝦子撈面都唔會太硬，估唔到呢個價錢食到呢個質素，會經常黎食

醉雞🐔米首選🥇食過元朗嘅爽爽、大埔暢和，本人都係鍾情許記麵家❤️‍🔥🐔招牌花雕醉雞米$38碟碟都係雞髀啖啖肉🍗，酒味芬香而不苦澀，索晒酒香、超級入味，香滑唔鞋口😆🐽黃沙豬肝粉腸麵 $29豬潤粉腸處理得非常好，煮得不會老，豬潤綿滑，粉腸彈牙，韭黃再配上大地魚湯底，增加鮮味🐷滷水豬仔耳 $28豬耳爽口彈牙，配上滷水香味，食到停唔到口小店式經營，主要都係做街坊生意，價錢抵食、分量多💯 讚👍🏻

2個人相處其中一樣吸引之處係世界上多左一個親密無間既人帶左佢既日常生活俾你。 明明對佢黎講只係好普通既日常, 但係對你可能係二十年都未試過既新鮮事。突然有感而發, 係因為我又發現, 身為大埔友既我, 有2間熱門醉雞米由細食到大, 而我男朋友竟然聽都未聽過, 嗚哇~~~決定長假期帶佢黎試一試。 因為許記比較近屋企, 所以我鍾意食佢多D, 每次都係醉雞米, 雖然要搭檯, 不過都唔算太逼既。 我知好多大埔人都推薦另一間, 不過我就係鍾意許記酒味濃得黎好香口又甜甜地。大少都話好食, 滿意=)

平時食開許記的醉雞，炸豬扒啱啱先發現有淨豬雜，，非嚴格生酮同人士，外食可以選擇佢，炸豬扒香口，醉雞就好香，酒味唔算重，最緊要冇果種苦澀味，有d食落係會咁雲吞生酮前有食，佢個魚湯底好夾重點係價錢好抵二人食，食左淨豬雜，豬雜米同淨醉雞，加支細可樂都係＄105

呢個小店唔顯眼，位置唔多，但有出名既醉雞，所以有唔少街坊支持。今日就同家姐叫左碗招牌醉雞米，一碗豬頭肉米同一份菜心要腩汁湯。醉雞酒味夠香而且入味，雞肉嫩口，同一定係會比雞髀你嫁豬頭肉夠爽口彈牙，一啲都唔油膩，點下佢嘅秘製辣椒油，再放上麵到一齊食，完全不得了的好味兩碗麵既份量一啲都唔少，所以食完超級飽肚。再叫埋一枝枝裝可樂