影片
更多
2011-04-27
26 浏览
依家香港乜都钟意缩写，好似牛头角下邨叫「牛下」，Cowboy Seven如果改个中文名，直译故然叫牛仔七，恐怕有人听咗以为同骆驼漆有关添，简称嘅话可以叫「牛七」。原来真系有样嘢叫「牛七」，系中药「牛膝」嘅别名，牛膝有「川牛膝」同「怀牛膝」之分，川牛膝偏活血通经络，怀牛膝偏补肝肾强筋骨，性味、功效、主治……，总之都系几好嘢嘅药材。当然，真系改个中文名嘅话，「牛仔七号」或「七号牛仔」可取啲！咁Cowboy Seven梗系唔系卖中药啦，café小店，十零个座位，开晌上年九月先开幕嘅话题商场 The One之上，布置几有心思，木椅、木箱型茶几、格仔布坐垫，再者，一身格仔恤衫衬牛仔裤嘅店员，几型格醒目，招呼态度都好有礼！由于café采开放式，铺位黐住商场通道，加上啱啱晌扶手电梯口，所以会比较多人行嚟行去，或者令人觉得唔自在，所以，我哋拣面向铺头嘅左边位（铺位间开中间系整咖啡摆食物，一左一右两边系座位区），左边位晌电梯口屈咗入去，少人行啲，而且，仲可以直击到啲店员冲咖啡。依度当然唔止卖咖啡，仲有朱古力类、茶类、樽装果汁同一啲special drink，食物方面有三文治、松饼、牛角酥、切饼……等等，
咁Cowboy Seven梗系唔系卖中药啦，café小店，十零个座位，开晌上年九月先开幕嘅话题商场 The One之上，布置几有心思，木椅、木箱型茶几、格仔布坐垫，再者，一身格仔恤衫衬牛仔裤嘅店员，几型格醒目，招呼态度都好有礼！由于café采开放式，铺位黐住商场通道，加上啱啱晌扶手电梯口，所以会比较多人行嚟行去，或者令人觉得唔自在，所以，我哋拣面向铺头嘅左边位（铺位间开中间系整咖啡摆食物，一左一右两边系座位区），左边位晌电梯口屈咗入去，少人行啲，而且，仲可以直击到啲店员冲咖啡。
依度当然唔止卖咖啡，仲有朱古力类、茶类、樽装果汁同一啲special drink，食物方面有三文治、松饼、牛角酥、切饼……等等，当一餐轻盈早餐或食晏都得，不过，下午茶就最好喇，Lucky Tea Set $40，一杯咖啡加配一件饼，城市人生活紧张，来去匆匆，晌度忙里偷闲，叹杯新鲜烘焙即磨咖啡，驱走倦意之余，细味人生种种，悠然而生丫嘛。
Latte虽然无乜点拉花，但奶味十足之余，咖啡香亦徐徐渗出，入口质感柔滑。同店员闲谈两句，话咖啡系用苏门答腊、新畿内亚咖啡豆调配而成，虽然讲咗我知，我都系单以一个字嚟形容：香！我对咖啡嘅认识真系好皮毛，虽然都知每款咖啡豆有唔同嘅香味（aroma）、质感（body）、酸味（acidity），但闲时我都系饮三合一多，所以一杯香浓细滑嘅咖啡，对我就已经好足够！
Mocha太太嘅指定选择，因为佢对咖啡唔算好，但又钟意饮热朱古力，所以Mocha最啱佢。浓缩咖啡做底，加牛奶同朱古力浆，最后加啲打起嘅忌廉，一杯Mocha就此诞生。依杯Mocha系一次过沟好晒，所以卖相普通，口感都同样柔滑，但好似咖啡味稍重，朱古力味有而唔系咁出。
蓝莓芝士蛋糕
蛋糕卖相没有太多装饰，就系叫人欣赏佢嘅真材实料。饼底系传统牛油加消化饼饼底，实净而满牛油香；芝士馅做得好有水准，质感幼滑得嚟，带著浓浓芝士味，一般卡夫忌廉芝士已一定做到咁嘅芝士味，系落鱼胶同打忌廉芝士手势好，先有咁滑嘅效果；面层嘅蓝莓酱亦都好正，浓郁蓝莓味配上啖啖果肉，无欺场㖞！
朱古力松露蛋糕其实个朱古力松露都好食，不过同个蓝莓芝士相比，佢就变得不过不失！朱古力海绵蛋糕软绵，中层嘅朱古力慕丝都做得滑溜，但系如果依两层嘅朱古力味再做浓啲，就觉得更平衡，因为铺面嘅朱古力浆同唂咕粉都系朱古力味浓郁，而下面嘅慕丝同海绵蛋糕感觉会变淡咗少少喇。
张贴
