祥基茶餐廳

营业中

休息中

成日听D街坊话好正。住左大埔十几年都未黎过, 终于系上星期六一尝滋味。个日上昼九点几, 入面已经无位, 等左一阵, 张卡位既人走左后便火速飞身埋去。我叫左个沙爹牛面餐, Mami叫左雪菜肉丝米餐, 落左order両分钟, D野话咁快黎到。沙爹牛爽滑, 面既份量OK, 杯热奶茶好滑。両个人埋单三十零蚊, 好个去饮茶。不过, 好老实讲, 系入面食野九成九都系地盘工人、三行佬、街市卖菜既师奶等等, 嘈杂之外里面仲烟雾弥漫, 若你系好静之人, 入去之前要三思。