明愛張奧偉國際賓館餐廳

营业中

休息中

我一直系明爱嘅常客，早前餐厅装修令我少咗一个好去处，真系唔习惯！知道餐厅喺6月尾完成装修，我急不及待约埋老友一齐嚟！嚟到发现餐厅做紧限时优惠，2020年7月31日前，凭宣传单张帮衬午餐，可享8折优惠；而早餐、下午茶同小食都有9折，有兴趣一试嘅朋友可以上呢个网印张传单出嚟👉🏻https://bit.ly/2NYdZ98餐厅位于明爱张奥伟国际宾馆一楼，当我步出升降机，朝向餐厅嘅方向一眼望去，眼前嘅景象令人眼前一亮！餐厅以绿色为主调，予人一种清新、舒适嘅感觉。是日餐汤系蘑菇粟米忌廉汤，浓淡得宜，如果有更多粟米粒会更好，令口感更丰富。主菜方面，我点嘅系芦笋肥牛卷，芦笋同肥牛嘅配搭并唔陌生，有肉包住嘅芦笋果然系好味啲XD 餐厅所配的酱汁亦不过不失。另外，薯条唔太咸够健康。唯一缺点系芦笋有啲硬。至于餐饮，我拣咗cappuccino，店员喺杯面晒上了明爱嘅logo，几有心思。