健康工房

营业中

休息中

响中环站一出就见到，系顺手买个早餐番公司既好选择。佢早餐有啲蒸包，又有竹叶饭等等可以买。我今次就试左三菇牛蒡素饱。佢会用一个纸袋仔放住，而个包系好热手的！所以问题就黎喇。个包拎到番公司会有少少水气。未去到话好湿，不过唔系最好既状态！打开袋望落去一片白色，卖相唔算太靓。不过其实就真系几好味既！个包热辣辣，亦都好软身好好味，馒头迷会钟意。入面既𩠌略嫌酱汁太劲，无乜鲜味。不过唔知系牛蒡定咩，有少少爽爽地既口感，唔错。简单方便早餐。如果可以走酱会健康好多。唯一最忟系店内指示唔清晰。大家唔知排边，而企错个呀姐都几大声话大家。