早安越南 (已結業)

约咗表哥想倾下迟D旅行的事，所以就专登出去左黄埔, 就大家方便。既然大家食咩菜都无所谓, 越南菜都啱我哋㖞, 如是者就拣左去早安越南。 餐厅内里装修走摩登路线，配上柔和灯光，加上红色大大只字写住PHO 与如墙上的饮品樽/酒樽等等, 餐厅尾一幅巨型墙画，正正越南少男攞住支是拉差, 不失越南风情。最称心系枱櫈排得唔算逼，让人坐得舒服。 晚餐套餐有众多选择，有饭有粉, 我地两款都叫左, 再加一个小食及一碟菜, 两个人就够晒食。香茅猪扒汤河 拣「香茅猪扒汤河」纯粹系因为大家都系食肉兽, 汤底下滑溜河粉多, 份量足, 而且猪扒炸得金黄，并且已经切成一件件方便食用，咬落去觉得劲松化, 唔油又加上香茅味十足, 不错。此外，个牛骨汤底浓而不腻，深而不浊, 整体食味唔错。 红酒牛尾饭 咪睇佢细细碗，其实牛尾的份量都唔少，最紧要炆得够正，D牛尾炖得肉软松润，有肉香而又骨肉分离 ，而且，个汁底香浓，配饭食得过瘾。  热桂花香蜜和椰汁三色冰 两个饭餐都配饮品, 分别叫了热桂花香蜜和椰汁三色冰, 热桂花香蜜弥漫着甜蜜的桂花香, 暖暖润润！椰汁三色冰粉条软滑、椰浆香甜超浓郁，确实是消暑良伴。