隼 (已結業)

好耐都无嚟Megabox原来开咗间寿司铺、有回转寿司嘅布置，以新干线为主题，食物会从路轨快速送到，可算系好贴题快狠「隼」～价位方便又唔贵㖞～咁要睇埋食物质素啦～｜炙烧芝士帆立贝（2件）｜帆立贝厚切好厚肉，炙烧香过嘅芝士融合一齐多重滋味～｜海胆花之恋（1件）｜拆开原来有成三块三文鱼，但最正当然要一啖食落肚，海胆加三文鱼嘅香气充斥系口腔～慢慢品尝先吞落肚🥰｜粒粒飞鱼籽军舰（2件）｜我最爱每次食寿司都必点，我最钟意个种粒粒咬爆嘅口感🤣｜海胆手卷｜海胆质素唔错，够肥够厚同够香～性价比好高！｜炙烧黑松露洋风三文鱼（2件）｜洋风原来即系黑松露酱炒洋葱，洋葱爽爽地，黑松露香气同三文鱼又几夹～都算几好嘅配搭同调味～｜吞拿鱼腩盛｜有三款包括吞拿鱼腩寿司、葱吞拿鱼腩军舰、海胆酱烧吞拿鱼腩寿司，海胆酱不至于盖过鱼嘅鲜味～都几特别～葱吞拿鱼腩咬落好肥美～好满足😍｜芝士蛋糕｜好重奶味同芝士味，细细件做甜品食落唔会太腻～good呀