添好運點心專門店 (已結業)

下昼点零钟， 几个人喺将军澳食饭，想食点心又想快，咁就呢间啦! 可能系平日， 呢个钟数都仲有位， 划完点心纸， 大概五分钟就有嘢食啦 。我最爱赛螃蟹春卷， 外层卜卜脆， 里面有蛋白同蟹肉， 一齐食好夹呀! 另一至爱酥皮焗叉烧包， 墨西哥皮， 里面叉烧少少肥， 肉汁丰富。 我钟意食呢种叉烧包多个传统白色皮果只，呢只香口啲。仲有古法糯米鸡， 糯米饭渗著荷叶香同𩠌汁， 软绵绵， 好好食呀! 三蚊一位茶又唔使加一 ，我哋叫咗六个点心， 一只糯米鸡 ，一个盅头饭， 五个人 ，一人都系三十零蚊， 抵食 。