勝手 (已搬遷) 新店位置

好彩之前订咗位啫，唔系都真系要等多阵。因为同事就快 last day ，所以我都提早同佢 farewell。今次我同佢都叫咗个百几蚊嘅 lunch set，同平时唔过百嘅餐相比，我谂佢系多咗一串串烧卦?! 每次去呢度食，同事一见到个前菜烧枝豆就好开心，因为佢真系好钟意食，咁个味又真系唔差嘅，不过我无佢咁好枝豆呢....个汤底我地都拣咗鱼汤，感觉上好健康! 个鱼汤又无我想像中咁香浓，比较清澈，可能我饮惯咗屋企煲嘅蕃茄薯仔煲鱼，所以呢个汤底较清。因为我同同事都唔系一个大食嘅野，所以呢个一个份量啱啱好!!!我钟意去呢间食主要系因为唔系佢嘅牛肉，而系个乌冬!!! 个稻庭乌冬就算放耐咗都仲好滑好有咬口，唔会好似平时果啲焾晒。因为 lunch time 时间有限，所以我都无得好似坐我对面嘅女仔一样，清晒成煲汤。