柏景餅店 (已結業)

依家啲whatsapp搞搞埋埋好多群组，成日都收到唔少转寄又转寄嘅资讯，不少都喺流流哋嘅假资讯，实在需要过滤吓先好嚟吸收。不过，资讯流通方便咗，故此，就不时收到有啲好嘢嘅优惠，就好似今次「柏景饼店」嘅应节快闪优惠，真喺快闪得紧要，讲到明订购期只得几日，但攞饼嘅日子就有成个月时间，加上价钱极优惠，吸引力大升。以前都试过佢哋嘅出品，感觉唔错，所以，趁住今次嘅大割引，当然更有唔执输嘅心态。呢次嘅新品，喺承着赏樱季节所推出嘅「樱花乳酪慕丝蛋糕」，平常佢哋啲磅装蛋糕，正价要卖到成$248一个，但今次嘅快闪优惠只喺$138，喺咪好心动呢！？据官网介绍，整个蛋糕主要分为上层嘅盐渍樱花啫喱及下层嘅乳酪慕丝蛋糕，少咗花巧，却多添一份怡人嘅外观。春日嘅下午，就用作懒洋洋嘅下午茶主角。面层嘅啫喱做得晶莹透彻，而盐渍嘅樱花，唔好期望太多，因为樱花本身无乜味，但嗒落确喺有些微咸咸哋，都几得意。至于啲乳酪慕丝，柔滑而带微酸，中间嘅海绵蛋糕，十分软绵，整体入口绝对唔腻，又属少甜，好有一份清爽感。老实讲，两次到访日本都遇唔着樱花盛开嘅境况，究竟，小弟喺咪跟樱花咁无缘呢？