Taco Chaca

营业中

休息中

Item: Taco Chaca
Rating: 4
Author: Marvin Drinks

3.5

25 食记

味道

环境

服务

卫生

抵食

2671

西环

$51-100

美国菜墨西哥菜小食店

Marvin Drinks

等级3

Taco Chaca 系一间墨西哥菜快餐小店，主要都似系做外卖居多，一路坐喺度食野外卖 APP 嘅朋友系不停出出入入骆驿不绝，无他，佢嘅定位系比较平民嘅路线，亦正正系我钟意呢度嘅原因，比较享受 Tacos 系一种街头美食，就好似我地唔会去餐厅食鸡蛋仔。当然，亦有好多餐厅成功将 Tacos 变化成为主菜式，只系青菜萝卜，各有所好，无话边样好啲。嚟食墨西哥野梗系饮返个墨西哥啤酒先，Pacifico Cara 系墨西哥大厂Grupo Modelo 出品，说到 Grupo Modelo 最多人识佢地嘅出品，当然就系 Corona Extra，Pacifico Cara 都系类似嘅墨西哥啤味道，比较淡，容易入口。今次嚟食拣左两款未食过嘅 Tacos ，Dodger Stadium Taco ，佢将少少美式三文治嘅元素加左落个 Tacos 度，有芝士、牛肉眼扒、洋葱、生菜同酱汁，食落几正无想像中咁浓味，但系就无想像中咁 fusion 嘅。顾名思义就系向美职棒球队 LA Dodger 球场卖嘅 Tacos 致敬，但事实应该系无乜关系，因为 Dodger球场嘅 Tacos 系经常转款。另一款

今次嚟食拣左两款未食过嘅 Tacos ，Dodger Stadium Taco ，佢将少少美式三文治嘅元素加左落个 Tacos 度，有芝士、牛肉眼扒、洋葱、生菜同酱汁，食落几正无想像中咁浓味，但系就无想像中咁 fusion 嘅。顾名思义就系向美职棒球队 LA Dodger 球场卖嘅 Tacos 致敬，但事实应该系无乜关系，因为 Dodger球场嘅 Tacos 系经常转款。

另一款就叫左泰式烤鸡 Tacos，有烤鸡、青瓜、椰菜、蕃茄同沙嗲花生椰子酱。呢个几有惊喜，好似食紧泰式鸡串烧咁嘅味，变做Tacos同埋啲 salsa 都好夹，系大啖大啖轰嘅好味道。

介绍返佢点餐位隔离有好多辣酱客人系可以拎嚟试，特别推介 El Yucateco 呢个墨西哥品牌嘅辣酱，佢有三款唔同口味，Salsa 就带多啲酸味，XXXTRA 就辣啲（但唔系真系好辣，米线小辣辣过佢），Black 辣度同XXXTRA 差唔多但系就再带啲烟熏味几特别，我最钟意就系 Black 我觉同浓味嘅肉夹啲多啲层次。

本身想再叫多啲 Tacos，但系见嚟亲都剩系食Tacos不如试一样未食过啦，见佢餐牌上有样野叫做Taquitos 于是就叫嚟试下，有惊喜㖞～佢系将啲手撕猪肉放入个 Taco Shell 度，跟住拎去炸，再加芝士、牛油果酱、酸忌廉、莎莎酱、辣椒，下面就铺左啲豆泥，成条拎起好似春卷咁，好脆，好似食紧放大版嘅 Nachos 咁。