Steak Bar (已結業)

今日心血来潮想食吉列牛，去开铜锣湾见到依间有得食就自己走左去食😋晚上6:30到达，餐厅未有太多人。落单后等左5分钟左右就有得食。炉上面预先放左片牛油，预热五分钟后将吉列牛放上去，想食几熟自己话事。薄薄嘅炸皮包住嫩滑嘅牛肉，点上少少盐，完美。烧牛肉配白饭已经好好味，依度嘅白饭上面仲加左好多饭素，将依个组合提升到另一个层次，令人忍唔住食晒成碗饭。😋😋套餐仲跟左沙律同冷豆腐，可以帮助解一解油腻感。