Seafood Stand (已結業)

Seafood stand 听个名就预咗系嚟食下海鲜啦😋😋 一间主打用海鲜制作嘅快餐店， 方便快靓正价钱又平民化 ，值得推介 虾兵蟹将burger顾名思义又有虾又有蟹啦， 系估佢唔到竟然系一只软壳蟹咁上畀你， 有惊喜呀 。 软壳蟹仲要炸到脆卜卜，酥香，甘脆， 一啲油益味都冇， 仲要有埋 刀叉手套跟埋畀你， 很贴心嘅服务。 白酒忌廉蓝青口 煮完嘅白酒一啲都唔会好抢口， 仲有提鲜味添， 加上用忌廉制作而成个汁好creamy顺滑， 同个蓝青口简直perfect match。  龙虾香草扁意粉 只龙虾大大只啖啖肉 而且 仲要keep到好弹牙，超正呀！ 盐烧扇贝 烧到个裙边脆卜卜，嚼劲十足。 因为 扇贝肉 本身唔系味道唔系咁浓，盐烧配搭 就可以令到佢惹味好多啦。 啤酒酱炸生蚝 虽则 系用啤酒酱炸， 但系一啲啤酒味都冇， 仲要炸到超脆， 不过食𠮶阵时一定要好小心因为里面系好热㗎啲蚝汁咬落去嘅时候会踊晒出嚟，劲 juicy呀 食呢啲快餐真又炸又香口， 当然要饮汽水同埋啤酒呢啲有气嘅饮品先够爽啦。