百利冰室

营业中

休息中

打风前夕想去赤柱浸浸水降温，系西湾河医饱个肚先，天气真系太热唔想再揾，行过见到百利多人等就食佢啦，唔洗10分钟就入得。叫左2份特餐，餐肉通粉配火腿奄列($38)仲有埋餐包，其中一份就+$1转左多士。系门口等位既时候，男友突然心心眼望住饮品柜，原来见到已经唔常见既玻璃樽维记朱古力奶，+$3就可以转。食物好快就到，奄列涨卜卜，火候岩岩好，不会全熟仲带有小小蛋汁，火腿份量多。多士烘多脆又唔㶶，配埋牛油好正。味道同埋份量物超所值，难怪咁多人等。