唐記包點 (港鐵元朗站)

营业中

休息中

收咗工之后，今日唔系好想煮饭，经过西铁站就系唐记包点买咗两个蒸饭同一啲点心返去二人撑枱脚。买买卖卖全部咁多嘢都$100有找，好抵，其实咁样仲平过自己煮饭。带咗一个凤爪排骨饭同一个章鱼肉饼饭，两个饭都热辣辣好好味。另外仲叫左一盒烧卖同埋一盒凤爪。因为我自己个人来讲特别钟意食凤爪，而我男朋友系超级钟意食烧卖。跟住惊我男朋友唔够饱，所以另外再嗌多咗一个菜宝肉包俾佢。可能因为放工时间又喺西铁站，所以都几多人买，都要排队，但系入边啲姐姐做嘢都好快手所以好快都买完可以返屋企啦。