四姑娘廚房 (已結業)

平时行过呢间餐厅都好此几多人食，𠮶日同妈妈晏昼食午饭，就去试下啦，女侍应好好人虽然里面满哂人我地等左五分钟左右，一有人走佢就好快手咁执干净张台比我地入去坐。菜单啲选择都系大家一般见到嘅，价钱同茶餐厅差不多。天气咁热，我地又唔系话好饥饿，所以叫左几样嘢一齐食，口水鸡我自己就最喜欢，口水鸡卖相好好，鲜红嘅麻辣酱加青绿嘅葱，非常吸引注意力，材料丰富，鸡肉嫩滑，集麻辣鲜香嫩爽于一身，香辛材料味道丰富，多层次，食完后真系会口水直流。食完麻辣口水鸡，就食个青啲嘅上海年糕，年糕烟烟韧，带点甜，好有口感，青青地嘅煮法好适合夏天食用，好食到停唔到口。因为最近妈妈钟意左食多啲蔬菜，所以之后一样都系蔬菜类嘅食物，榄菜肉碎炒四季豆，其实每次去边食碟菜都系咁好味，真系想识𠮶位发明榄菜嘅人，能将橄榄同四季豆完美融合成如此美味，实在是经典。