喜運點心專門店 (已結業)

系公司附近开左冇耐，已经第二次黎食。午餐时间黎到，因为铺位细得几张枱，所以好易full左，所以特登早左黎攞位，好好彩冇full到一野入得。铺头都系中式设计，可能因为岩岩新开既关系，俾人感觉好新好整齐干净。同朋友一人叫左一个饭同啲点心share。朋友食凤爪排骨饭，我就叫左北菇滑鸡饭，点左烧卖同七味虎皮酿尖椒share。果凤爪排骨饭我上一次食过，同出边差唔多，水准正常，29蚊黎讲算好唔错。至于烧卖同外面差唔多，佢都足料既，不过不失。而我今次点左北菇滑鸡饭，鸡件都几多，算几滑，29蚊黎讲好抵食。如果中意食香口野，一定要点呢个七味虎皮酿尖椒，已经第二次食，虾胶酿得好足，系酿到涨卜卜既程度，啖啖虾胶，炸得岩岩好，有少少微辣好惹味，当然我食得辣既，对我黎讲系微辣，对其他人黎讲可能唔系。整体黎讲，性价比都几高，价钱唔算好贵，买单两个人系百二蚊，除开每人都系60蚊，正常食lunch价钱，而且食物质素唔错，服务都好ok，上菜系好快，基本上一点完几分钟就有野食，唔会浪费左自己食饭时间，收盘都好快，但唔会赶你走。