食口福 (已結業)

嚟到食口福，就梗系要试吓D煎扒饭啦，我叫咗个黑椒什扒饭(有猪扒、牛扒、肠仔、火腿)盛惠$53元(配饮品需另+$6元，冻热同价)，讲味道系可以，但猪扒比较薄身和肉质比较嚡，牛扒味道偏淡，但肉质软嫰易咬，肠仔系用厨师肠，火腿系一般三文治用嘅火腿片，黑椒汁够辣，食到黑椒碎及好浓嘅黑椒味，可惜个汁比较偏甜，如果可以咸番少少就认真ok，饭粒软硬适中，整体食物质素算唔错，但价钱偏贵，一个饭餐差唔多要$60元，而且话明系什扒，但又还欠鸡扒，所以唔算正宗什扒，不过一次半次就冇咩所谓啦，下次再嚟都系叫香煎鸡扒饭比较好