一葉小廚

营业中

休息中

第一次嚟食，喺入口处见到有部Gulu 拎票机，但见到入边冇乜人坐，就直行左入去先。侍应见到我哋入嚟都问我哋几多位再指示我哋喺边度坐。落完单之后，另一位侍应见到我哋坐咗喺度就主动问我哋落咗单未。我哋回覆已经落咗单，佢就专登行去斟两杯热水放喺枱面。呢个招呼比我哋想像中好，本身预期呢间嘅服务会好似茶餐厅咁嘅质素。叫咗一碗烟熏鸡配原味面，令一碗要咗红烧牛肉配原味面同两杯冻红茶。红茶比想像中好饮，唔太甜，碗面就太咸。烟熏鸡味道真系好烟熏，味道好似食紧烟鸭胸咁。牛肉就有四旧，有一旧好un, 有一旧好林，其余两旧就介乎两者之间。整体来讲，呢间服务有惊喜，但食物就普普通通，睇吓你觉得佢嘅定位系咩，如果比起茶餐厅佢就好啲，但如果你觉得佢系一间台湾嘢嘅话就唔合格。