一葉小廚

营业中

休息中

一葉小厨是朋友買外賣俾我時先知佢個名, 雖然巳忘記食咗咩嘢, 但記得佢既蔥好新鮮, 放咗响外賣盒咁耐都咁脆. 📍今天得閒逛咗去藍田啟田商場, 突然見到一葉, 橫掂肚餓, 所以毫不猶豫就走咗入去醫肚.📍餐廳嘅環境一般, 格局有啲似快餐店, 當然喺比較高級嗰啲. 窗邊既坐位好光亮. 見到菜牌多數賣台灣菜, 好多野想食喎. 最後叫咗嗰三杯雞砂鍋同香菇肉燥飯📍個餸外型好有色彩, 有紅有綠, 好多紅蔥頭, 蒜頭同蔥, 送嚟時九層塔既香味好濃, 啲雞肉炒到乾身, 但啲肉仍然好嫩唔柴好有鑊氣. 肉燥飯嘅肉燥量就比較少, 都好餸飯好食 ❤️❤️❤️🖤🖤抵食 ❤️❤️❤️🖤🖤

晚上7點半在外賣平台訂外賣自取的是魚香茄子魚塊煲，取餐回家發現出左雞煲，真係錯得好離譜！價錢又唔同，拎返去換又遠。外賣都唔可以做得咁馬虎架，出餐出到亂七八糟，真在太過份

做緊$200 起有8折，所以一行四人到這裡食晚餐。豬軟骨湯麵，麵條是粗身有咬口，豬軟骨炆得夠時間，幾好食。三杯雞砂鍋，有獲氣同埋雞件都處理到幾乾身，配了大量紅蔥頭、蒜頭、九層塔和蔥段，好食。沙拉蝦球，沙律醬好開胃，蝦球拉油拉到有啲乾，一般。梅菜肉餅，冇試，肉燥飯嘅鹹酸菜甜甜地加埋鹵水旦，幾好餸飯。以上每個餸都有前菜、老火湯和飲品。老火湯系清清地嘅紅蘿白冬瓜肉湯。飲品試左凍蜂蜜紅茶，淡淡蜜糖味，可以解下肥膩。加配宜蘭蔥餅，以為類似蔥油餅，原來系似牛肉餅，外面系蔥油餅皮，裡面系豬肉餡，吾可以話吾好食，但又吾系好出色。埋單$207.20/4位，抵食。

醫飽個肚再繼續做野藍田美食琳瑯滿目 今次就揀你啦😉呢間台式餐廳以綠色同木系為主感覺清新好舒服 而且員工服務有禮💚💛下午茶時間都幾多人 性價比👌🏻🥙 刈包 配 炒蛋午餐肉刈包有點似饅頭 質感好鬆軟餡料幾足 有榨菜肉碎、唐生菜、肉鬆味道剛好唔會太濃同咸 汁亦唔會太多自己將少少炒蛋夾埋一齊食 都ok😋唯一可惜之處 因為新鮮熱辣♨️個包底部有倒汗水濕咗啲 但整體唔錯👍🏻🐓 三杯雞蛋餅 配 香辣雞肉碎榨菜新竹米粉之前食過啲蛋餅外皮好硬身好乾呢間質感軟軟有啲似雲吞皮 配薄身蛋皮(非全熟哂)包住嫩質唔咸雞肉 本人好鍾意🫣本人一直喜愛新竹米粉 因為好幼米粉本身無味 配上少少辣嘅雞肉榨菜惹味得黎食完唔會口渴👍🏻

第一次嚟食，喺入口處見到有部Gulu 拎票機，但見到入邊冇乜人坐，就直行左入去先。侍應見到我哋入嚟都問我哋幾多位再指示我哋喺邊度坐。落完單之後，另一位侍應見到我哋坐咗喺度就主動問我哋落咗單未。我哋回覆已經落咗單，佢就專登行去斟兩杯熱水放喺枱面。呢個招呼比我哋想像中好，本身預期呢間嘅服務會好似茶餐廳咁嘅質素。叫咗一碗煙燻雞配原味麵，令一碗要咗紅燒牛肉配原味麵同兩杯凍紅茶。紅茶比想像中好飲，唔太甜，碗麵就太鹹。煙燻雞味道真係好煙燻，味道好似食緊煙鴨胸咁。牛肉就有四舊，有一舊好un, 有一舊好林，其餘兩舊就介乎兩者之間。整體來講，呢間服務有驚喜，但食物就普普通通，睇吓你覺得佢嘅定位係咩，如果比起茶餐廳佢就好啲，但如果你覺得佢係一間台灣嘢嘅話就唔合格。

一葉小廚今日想食下啲中式野所以就去左呢間平民茶餐廳食叫左個滷肉飯同魚柳食滷肉飯有啲失望 啲滷肉好少魚柳就比想像中好食啲菜都幾多下 食完都幾飽肚埋單一百頭幾抵食下次會再試

睇完眼科，返到藍田，唔知食咩好。想坐得舒服，食下台灣野，就諗起一葉小廚。叫左蜜桃豬柳，份量好足，跟一碗滷肉蘑菇肉碎食，仲有半隻滷蛋。如果細食既人叫呢個餐，一定會有剩餘，份量夠一個男人食得飽；跟餐仲送一杯蜂蜜紅茶。

返工日子通常都係隨便食，日日出去食花費都好come計🧐 見到係台式餐廳，價錢okay就入去了。叫左個孖寶肉燥飯，佢有好多選擇比你揀，可惜全部都係肉類，如果有啲其他營養均衡下就好了。肉餅今日係馬蹄肉餅，幾厚實，有少少偏鹹；雞翼炸得好脆，肉都好嫩，但好似都係上次食百芳好食啲，再脆啲。肉燥一般，但溏心蛋好食，雖然好似好淺色，但都入味👍🏻飲品可以要凍/熱蜂蜜紅茶，但我(偽)減肥當中，所以+$3轉左做無糖豆漿，豆漿無咩豆味，但都真係唔甜無糖🥛

講到台式下午茶通常都會想到珍珠奶茶，厚多士，粉圓，但我今日去一葉小廚就沒有食這些因為都沒有。今日叫了兩個套餐：香葉鹽酥雞拼台灣香腸+湯新竹米粉(內有滷肉)+熱蜂蜜紅茶$45，台式芝士火腿蛋餅+流心蛋香菇滷肉飯+熱蜂蜜紅茶$38。個人覺得食滷肉就一定要配飯，滷肉連汁混和白飯配埋醃漬酸菜一啖放入口， 滋味無窮。蜂蜜紅茶好香好味，唔想飲咁甜可以學我叫少甜。

下午茶叫美食平台 ，見佢新開就試下，外賣自取返屋企即刻食，啲嘢係凍嘅，由鋪頭到屋企都係8分鐘嘅事，啲飯硬到，個雞翼飯得2隻雞翼真係少唔少啲啊，最後3個餐食淨咁多，真係無下次

一行6人食午餐高雄香蒽肉排蔥花肉燥飯加蜂蜜紅茶$55紋杯蜂蜜紅茶叫著少甜，味道幾好飲，好順口，，香蒽肉排炸得幾嫩，食落都可以，肉燥飯加半個鹵水蛋不過不失，呢個餐都頗大份，可以值得叫來食其它問著同行朋友， 台灣牛肉麵原味， 番茄味， 蜜桃甜酸魚塊肉燥飯 ，佢哋都話味道ok過得去佢哋見到個 高雄香蔥肉扒飯，都話下次會叫來食，見個樣都好開胃，同好抵食***。***。*****其中有個類似經理嘅職員好好服務，值得讚賞

▶️又係台灣🇼🇸旅行時無食過，係香港旅行病發作而食左既野😆我見佢鋪頭係同大快活相連，唔知係唔係同一集團🤔紅燒牛肉麵🍜揀左麻辣湯底🌶️，有少少麻辣，都幾好飲；麵🍜都爽但唔彈，唔太”索”湯，就咁食個麵唔太入味；牛應該係牛腩，幾淋唔韌，幾入味幾好食😋滷水雞翼堂食優惠加$8就有，無理由唔叫有少少花椒八角香味，唔會太咸，正常味道🙂⚛️應該都係港式台灣野，之前試過佢嘅鹽酥雞都唔錯，叫做唔太貴可以食到台灣野🤣

平時間中都有幫襯, 食物可以,價錢中等,其他服務態度正常。但係寫外賣嗰個肥佬真係唔掂，幾次都寫錯野成日, 叫原味牛肉麵就比咗麻辣,走甜就照比張正常甜。而且個肥佬態度十分之差，問乜都唔答，當你透明,希望下次見佢唔到, 否則不值再支持！

一葉小廚主打台灣食品，咁我自己呢都好鍾意食台灣野，所以就去咗一葉小廚嗌佢嘅下午茶餐。😛我就叫咗鹽酥雞飯配台灣腸。鹽酥雞+台灣腸 配肉燥飯$45鹽酥雞🐥嘅炸皮唔算太厚，中規中矩，雞肉都算夠熱，新鮮炸起。而且你堂食你可以叫佢提供唔同嘅調味料，佢有三款唔同嘅調味料俾你揀，包括紫菜粉、七味粉同埋酸梅粉。咁我鍾意食酸酸甜甜嘅，所以我覺得酸梅粉配鹽酥雞幾好。咁佢嘅飯另外會配上少少肉燥俾你，咁就唔會話就得白飯咁單調。我覺得撈埋一齊食都唔錯嘅。咁台灣腸呢，切好咗細細粒啦上菜，有好多嘅蒜蓉搭配，食落去香口。下午茶餐另外配一杯蜂蜜紅茶，正正常常。咁我覺得呢間餐廳唔算話好突出，但以呢個價錢來講都算唔差同埋份量都好多嘅👍🏻。

望望餐單，台灣肉燥飯及牛肉麵等不算起眼，唯一最吸引我令我即叫的是這個原煲煲仔飯。外賣送到，煲仔飯安然放在紙箱內，一打開是原個小沙煲，大概5-6吋。開蓋時還熱辣辣，有滑雞魚肚，仲有臘腸，加埋附上豉油，用匙羹刮出煲邊飯焦，好滿足。冬天冷冰冰，最滿足莫過於拎住碗煲仔飯。台灣牛肉麵湯及麵分開盛裝，到家後合體即刻有餐廳感覺。牛肉好淋同入味，但麵身較硬同蛋唔太流心，分數打折。 鹽酥雞排肉燥飯，份量好足，但雞不夠脆口及飯較黏身，亦被扣分。