Burger Kitchen (已結業)

首先，唔好讲d野好唔好食，店员服务态度极度差！西口西面都算，因为天生既，无得怪人！叫左劲耐都无人落单，明明个舖头就好细，当时得两枱客，叫店员介绍下有咩好推介，块面立即黑左，嫌你好麻烦咁！服务态度都唔重要，因为佢有咁多好评，以为d野好好食啦，点知……快餐店都好食过佢！叫左个classic beef burger另加20蚊，有薯条同野饮。牛肉汉堡系几足料既，但牛肉无牛肉香味，有雪味，仲不停出血水。薯条炸得唔够时间，薯条入面唔熟，食到有粉。点左杯mocha，淡而无咖啡香味，系一杯奶加咖啡水既野饮黎，麦当劳好味过佢好多。无论服务态度，食物品质，店舖环境，大型连锁快餐店都好过佢多多声。