唐記包點 (吉利徑)

营业中

休息中

冇煮饭又懒得出街食，今日妈妈派我落去买唐记快餐，又真系快靓正的快餐之选。呢间唐记包点开左不算好耐，帮衬过几次，有时会经过买个早餐，十分方便。今天买左两个饭，一个北菇滑鸡饭，一个咸蛋肉饼饭，再加一个鹌鹑蛋烧卖。简简单单的一餐。有好多选择，包都有十零种。又有蒸饭。生煎包都好吸引。北菇滑鸡饭，鸡肉好多旧，都算系咁啦。另一个系咸蛋肉饼饭。肉饼几滑，加上咸蛋，都够送饭食。一份鹌鹑蛋烧卖有三粒，好大粒，烧卖下面仲包住腐皮，新鲜滚热辣，好味。