影片
更多
2022-05-22
4166 浏览
第一次黎半岛系一个因同行人士原因嘅不值得怀念嘅经历今次再黎半岛，系因为一个就黎移民嘅朋友，睇黎我同半岛嘅缘份都系一般今次黎食半岛今佐嘅怀石料理，全场入场7成都系食依个餐，睇黎质素都应该真系有返咁上下先黎头盘:萤光鱿鱼，日式枝竹(waitress有讲系咩名但我唔记得左)，蟹肉菠菜，青柠渍带子萤光鱿鱼当时得令，爆膏，配上蛋黄酱别有一番滋味日式枝竹嫰滑可口，豆味浓郁蟹肉菠菜，蟹肉鲜甜，菠菜冇苦涩味青柠渍带子，带子鲜甜配上淡淡青柠味增强味道层次感，会系我嘅头盘首选第二道系舞茸海鲜汤，以茶壶上桌使得美观与实用性兼而有之，睇落雅致得体，另配半个青柠服务员先为众人倒一杯汤水，建议先尝原味，再视需要而配青柠汁原味鲜甜，鲜味浓郁，原因简单，成个茶壶都系材料，用料上乘点会唔好饮，海鲜有虾有鱼又有舞茸，效果如何谂都谂到特别之处在于提供青柠，何解? 由于汤头实在过于浓郁，配上2,3滴青柠汁能够为汤头添上几分酸味，既能使味道层次更上一层楼，又能解腻，饮晒成壶都唔会有任何腻感，但切记落太多以免盖过清甜鲜味，浪费汤头第三道系重头戏刺身拼盘(图为4人份)，有龙虾刺身，拖罗，海胆，生蚝，油甘鱼，鲷鱼龙虾刺身新鲜弹牙，拖
今次再黎半岛，系因为一个就黎移民嘅朋友，睇黎我同半岛嘅缘份都系一般
今次黎食半岛今佐嘅怀石料理，全场入场7成都系食依个餐，睇黎质素都应该真系有返咁上下
先黎头盘:
萤光鱿鱼，日式枝竹(waitress有讲系咩名但我唔记得左)，蟹肉菠菜，青柠渍带子
萤光鱿鱼当时得令，爆膏，配上蛋黄酱别有一番滋味
日式枝竹嫰滑可口，豆味浓郁
蟹肉菠菜，蟹肉鲜甜，菠菜冇苦涩味
青柠渍带子，带子鲜甜配上淡淡青柠味增强味道层次感，会系我嘅头盘首选
第二道系舞茸海鲜汤，以茶壶上桌使得美观与实用性兼而有之，睇落雅致得体，另配半个青柠服务员先为众人倒一杯汤水，建议先尝原味，再视需要而配青柠汁
原味鲜甜，鲜味浓郁，原因简单，成个茶壶都系材料，用料上乘点会唔好饮，海鲜有虾有鱼又有舞茸，效果如何谂都谂到
特别之处在于提供青柠，何解? 由于汤头实在过于浓郁，配上2,3滴青柠汁能够为汤头添上几分酸味，既能使味道层次更上一层楼，又能解腻，饮晒成壶都唔会有任何腻感，但切记落太多以免盖过清甜鲜味，浪费汤头
第三道系重头戏刺身拼盘(图为4人份)，有龙虾刺身，拖罗，海胆，生蚝，油甘鱼，鲷鱼
龙虾刺身新鲜弹牙，拖罗肥美入口即溶，几乎无筋，羸donki嘅拖罗几条街
海胆大大杯，唔好睇以为得个青瓜上面𠮶D，其实青瓜都挖空左一部分放海胆，绝无欺场偷工减料，味道新甜，配埋紫菜食一流
鲷鱼新鲜弹牙，油甘鱼鱼油丰富，香甜可口
大大只生蚝够晒肥美creamy，日式食法配埋个汁冇得弹
第四道系我钟意食嘅天妇罗，喺日本都要去买炸鱼食
Menu所写嘅Starks fish (我google完都唔知系乜) 超好食，大慨系只中指长度，鱼肉细嫰入口即溶，味道鲜美，正
南瓜天妇罗劲粉嫰，我平时唔钟意食南瓜都乖乖食晒
第五道系金目鲷汁煮鱼肉极嫰滑，鱼皮烟韧有咬口，个汁又系新甜之极，配菜有煮到腍晒接近入口即溶嘅鲜甜萝卜及冬菇
第六道系主菜，吉列和牛卷，馅料系鹅肝同杂菇
可能本身和牛牛味就较淡，再辅以吉列形式以及鹅肝同菇，变相牛味更难食出，味道以鹅肝同菇味为主，系几好食嘅，不过略兼较腻
友人唔太喜欢亦送多一旧俾我食，而我就当然照单全收
第七道系鸭肉素面，无甚特别因为未有拍照，食起黎更被我地笑称似食紧烧鸭米，只系汤底换成甜味较重嘅日式汤底
最后就系水果及甜品部份，分别系红豆糕、蜜柑、士多啤梨、蜜瓜、抹茶脆饼
蜜柑同蜜瓜合理鲜甜，士多啤梨半粒甜半粒酸，可能系切开一半之后同友人𠮶碟share，因为其中一位友人同样系一粒甜一粒酸
红豆糕内红豆够晒粉，不过味道方面都系日本特色，略嫌甜味较重，相对黎讲我会prefer中式嘅陈皮红豆沙
抹茶脆饼亦发挥正常，抹茶雪糕够滑身而且足味，配上脆饼有多一层口感
总结环境较西式多于日式，服务良好有礼，食物整体质素高，符合价钱，经理满场飞显得熟客众多，明显系好餐厅
可惜小弟囊中羞涩，今次都系特别原因黎食，希望有朝一日发达之后可以再同依班朋友黎食，成为熟客啦。
张贴
