Shari Shari Kakigori House 氷屋 (已搬遷) 新店位置

终于再嚟到Shari Shari😆，上次食完日式刨冰🍧之后念念不忘，今次平日夜晚，所以都唔驶排队。我哋3️⃣个人好快就决定咗试两款唔同嘅味道。-🍴青柠忌廉芝士味🍧($95) - 依个口味系季节限定，唔系常见嘅口味，于是就谂住试吓🤤。最顶层有两片青柠，下面有啲忌廉芝士🧀，之后先至到日式刨冰，食食吓发现原来中间有啲芦荟粒😮。刨冰加咗青柠汁，所以成个冰微酸，好Fresh😚！但系唔知点解有少少似柠檬挞嘅味道🤣。-🍴抹茶忌廉焦糖味🍵(配白玉)($100) - 依款味道系其中一个人气之选。三粒白玉放喺忌廉上面，再之后就系日式刨冰，见到咁绿就知道抹茶味有几浓🤤，除咗抹茶味🍵，中间亦都会夹杂左一啲啡色嘅焦糖味。白玉几烟韧👍🏻，抹茶味好浓😆！去到食到焦糖味嘅时候，唔知点解有少少苦苦哋🤭。