和氣食堂 (黃大仙中心南館)

营业中

休息中

我人生最爱就系食日本野，之前系沙田食过和气食堂一直念念不忘，今次拉埋系九龙湾番工既朋友黎到黄大仙分店再encore，食物水准依旧 真系平价兼好食平时好惊食热气野所以唔敢叫炸野，但今次店员极力推荐呢个电击鸡翼，个名咁得意就尽管试一试 ；结果非常惊喜，事关蜜糖味好入味，好似韩国炸鸡，不过感觉冇咁热气，可以放心食多只 寿司都相当唔错，食得出原材料好新鲜，特别系帆立贝，我同朋友食完都念念不忘；另外海胆拖罗虾恋都好正，必试 ！成餐饭又点可以冇菜呢，我地点左另一个店员话受欢迎既牛扒他他沙律，咁就够哂健康啦千回火鸟3只，唔系话唔好食不过比起其他野就冇咁出色另一惊喜之作，朋友一向中意食鱼，今次叫左鲷鱼汤泡饭($108) 店员会慢慢将汤倒落去鲷鱼度，够哂热辣辣，而鲜甜鱼汤送饭真系食多两碗都冇问题 之不过我地最最最期待既一定系舖头招牌甜品宇治抹茶芭菲（$72），因为之前睇其他人食评时已经觉得好好食咁！结果。。。比想像中仲要高水准，其实蕨饼，绿茶雪糕加脆粒呢个组合好完美冇得输，而且插系旁边既蛋卷竟然系芝士味，雪糕本身奶味好重，所以唔会太苦  要左咁多高质日本野埋单都唔使五百，绝对可以再encore！