Forkers (已搬遷) 新店位置

好耐之前已经食过一次，因为念念不忘（个任食薯条同沙律），所以又一次返黎。今次黎到发现个menu唔同左，好似易睇左啲。我地叫左个两个set share。西班牙黑毛猪拼盘：呢个拼盘之前食过，已经好钟意，最主要佢个肉唔会觉得咸，感觉得出系好新鲜整出黎既，配埋个蒜蓉包真系好match。虎虾浓汤：呢个之前未试过，朋友拣既系是日餐汤，咁系罗宋汤，我就想试佢个虎虾浓汤，要加钱。个虾啲肉好结实，同埋真系好大粒，店员教我地饮之前要用个粒虾搞一搞个汤先，个汤坚系好浓虾味，好饮。任食薯条同沙律：呢个系要refill嫁，任食既都好食呀。加拿大猪鞍排：个猪排好大块，肉质都几嫩。呢个唔错。Crab Cake：会觉得个猪排只系唔错，系因为比个crab cake完全迷住左。佢地落足左蟹肉，系啖啖都系肉呀，如果好钟意食蟹既人(例如本人)，会好钟意呢个cake。芝士蛋糕：呢个芝士蛋糕又系好好食，佢系跟餐既，细细件，唔会觉得罪恶。overall最钟意系个crab cake同埋个虎虾汤。