醉胡爐

营业中

休息中

如果打边炉只可以拣一个汤底，首选一定系醉胡炉嘅火焰龙虾蕃茄海鲜汤底。餐厅店员首先会用清酒炒一下海鲜，之后再加入蕃茄龙虾汤，汤底本身味道超浓厚，再加有清酒味道，入口鲜甜味道多层次。餐前小食亦相当出色，椒盐粟米，粟米炒完之后都唔会太干身，咸咸地甜甜地。手打墨鱼丸，餐厅自家出品，传统手打丸材料丰富，墨鱼丸弹牙结实好食。手打虾丸，确实足料，啖啖虾肉，乒乓波咁大粒。流沙黄金炸鱼皮，就咁食都好好食，放汤食口感不同，咸蛋黄味道适中。