一葉小廚 (已結業)

上次黎探朋友食過呢間台灣野，竟然會對佢念念不忘，今日特登帶媽咪黎食順便行下商場入面的千色店，因為千色店做緊新春大優惠。一葉小廚的餐廳座位都有要客人隔枱座，感覺更安全，入座前要量體溫，一入座佢哋就會每人派一個紙袋，俾我哋放口罩用，乾淨衛生。我叫咗紅燒牛肉原味湯麵，飲凍珍珠奶茶。紅燒牛肉好林好入味，不過今次的湯麵有小小硬，煮耐小小會更好。珍珠奶茶的糖水係自己落的，甜度可以自己調教，都幾好。媽咪叫左一份高雄葱香玉排，配肉燥飯，飲熱柚子蜜。葱香玉排煎得好林，非常好味，我都偷食左兩塊。