南記粉麵 (已搬遷) 新店位置

米线对我黎讲真系有种魔力 成日都好想食奈何南记嘅分店唔系咁多 而且要迁就朋友嘅口味 所以上次第一次食完之后都未有机会再试 不过今晚终于有机会啦今晚同朋友去行年宵之前决定去食南记不过我地一入到去 发现三层都已经坐满哂人 今晚公众假期好多人 所以等位都等左好一阵子 不过都无损我期待食南记嘅心情我嗌左个酸辣小窝米线 汤底酸酸辣辣好开胃 而且两种味道好夹 唔会话边一种抢味 搞到我忍唔住饮哂啲汤而配菜嘅话 识拣就紧系拣佢个招牌春卷啦 香口嘅腐皮包住鱼肉 烟烟靭靭 好好味鱼腐亦都好软绵 而且索哂啲汤入去 好惹味加埋韮菜 芽菜 酸菜各种配料真系无得弹我朋友嗌左个双拼蕃茄浓汤米线 试左佢个汤底一啖 觉得同出面嘅好唔同！！ 汤底有好多蕃茄肉 而且佢真系保留左蕃茄果种酸酸甜甜嘅味道 好natural 唔似出面果啲 一饮就觉得好甜好好味 但同时都知道系加工嘅估唔到一碗价格相宜嘅米线都可以做到呢个质素不过有个位值得留意嘅 就系店内部lift坏左 我去拎返个餐上去嘅时候觉得有啲吃力 因为两个餐加埋有啲重 然后又惊倒泻啲汤 又惊撞到人 所以行楼梯上去嘅时候真系步步惊心 但撇除呢样 南记嘅米线真系值得一试再试