養心殿台式養生鍋 (已結業)

上次食完旺角间养心殿，念念不忘，今晚就约埋班朋友一行四人去到佐敦分店，佐敦依间的间隔同环境都比旺角果间阔落，每张枱上都有好特别的灯。我地今次人多D，拣左双拼汤底，小辣麻辣汤同酸菜白肉汤底，因为我唔食得辣，但见到麻辣汤底入边有鸭血同冻豆腐，配合其他配料，又唔算麻辣，我个程度可以接受，仲好惹味添，鸭血滑，唔会一夹就散。食物方面除左order返上次点过的牛、莴荀、油条同丸外，今次仲点左黑柏叶、梅花猪、牡蛎同墨鱼滑。黑柏叶的份量好多，韧韧地，有咬口。梅花猪好薄卷成一圈圈，肉色鲜红，好快就熟，无乜油脂，肉质滑， 肉味出!牡蛎一碟有六只，超肥美，好新鲜。墨鱼滑好弹牙，有鲜味同旺角一样，LIKE佢Facebook打卡仲有一杯无酒精类饮品请你饮，仲比旺角多左碗糖水，系好正宗的台湾芋圆，甜甜地又弹牙，正。