Bizou American Brasserie (已結業)

去金钟睇完星球大战，想食个西餐，拣咗呢间西餐厅。头盘叫咗六只生蚝，但系生蚝唔够蚝味，亦冇我最钟意嘅金属味，只系比自助餐生蚝好一点嘅货色。＄180好彩唔系太贵。之后叫咗个烧猪扒，整个小猪肋骨咁上，外边脆，里面好多新鲜肉汁， 90分！另外叫咗个烧春鸡，加上特制嘅红萝卜酱汁，鸡肉好丰富，系另一高分数菜式。另外叫咗个蚬肉蒜蓉辣椒意粉，小小辣蒜味又够香，只系差个蚬肉唔系最新鲜。但系都算好好食。仲有一个黑松露炸薯条，因为我钟意幼细嘅薯条，所以觉得黑松露酱系非常好嘅配合，好味。买单五个人， ＄1000 比你一个咁好地点咁好嘅食物质素仲要系晚餐，都几物超所值，大家不妨去试吓！