Story Steak & Pasta (已結業)

今晚和家人再黎呢条街觅食，被餐厅的装潢吸引而走入黎，入到去同个舖名一样，好有故事同好和谐嘅感觉。晚餐时间刚开始，同家人点咗两个餐一齐食。餐汤有南瓜汤同磨菇汤，上面淋左cream，搅匀饮个质感好幼滑，而且好大碗！餐包系蒜蓉包，软熟好味。我地仲加咗个去骨烤菠萝鸡中翼，新鲜烧好热辣辣，juicy嘅菠萝连埋鸡翼一齐食好夹，底下亦有沙律，可以解油腻。主菜黎啦，呢个系焗意大利肉酱芝士千层面，周边围满薯蓉，内里肉酱同千层面比例恰到好处，酸甜度掌握得很好，加上溶了的芝士，每一口都回味无穷。另一个主菜系烧意大利式BB猪，我地叫左1/4只，大概有5旧。家人对烧乳猪有研究，咬第一啖已赞不绝口，说实话真系烧得好好，外皮脆而肉质仍保持到嫩滑，而且咸度适中，配埋旁边嘅蜜糖醋沙律好正。而个黑松露薯蓉份量成个汤碗咁大，超抵食，每一啖薯蓉都系黑松露味，食到劲饱。