竹園海鮮飯店 (已結業)

记得以前成日去上环竹园饮茶，不过自从执咗之后，已经无再去其他分店帮衬过。咁啱有事要去跑马地一趟，便约埋妈妈去饮茶，一入内，已见到有一个很熟面口的男侍应面带笑容，哈哈，佢仲认得我哋...。有特价点心供应，我哋点咗糖醋炸云吞及豉油皇炒肠粉，味道不俗，价钱亦只不过是$8.8一碟，认真抵食。另外，我哋仲点咗白灼唐生菜($18)，碧绿龙吐珠($19)及金钱肚($19)。碧绿龙吐珠几特别，外貌像水晶球一样，内里包著碧绿的菠菜，清清哋，几好食。埋单时侍应送咗芝麻及云呢拿雪糕俾我哋食，甜到入心。