羅富記粥麵專家 (已結業)

以前喺附近返工，偶尔会OT后嚟堂食，因为 lunch 呢区堂食都好多人，通常只有外卖。咁啱过嚟做完嘢，5点多啲，就嚟怀旧一番，本来想叫粥，但依度嘅炸鲮鱼球好正，咁食依个就叫面啦，今次叫碟炸酱面啦。虽然都成6-7年无嚟，佢嘅鲮鱼球仲系好弹，皮又带点脆，配埋个蚬芥汁一流，细份有3粒，一个人食好满足。炸酱面又系好好味，肉又嫩，肉同酱+面比例好好，个汤又唔太浓，饮完唔会好口渴。佢嘅餐具系传统公鸡图案，员工都系做咗好多年好资深嘅，就算冇嚟咁耐，入嚟食都有种特别嘅感觉。