太平館餐廳

营业中

休息中

再次黎铜锣湾揾野食，今日黎呢间好耐历史既瑞士鸡翼餐厅，太平馆餐厅医肚，话哂都系出名老店，平日都要等几张枱。我地今次唔想谂，就咁嗌左个二人餐重温一下昔日既感觉。二人餐先黎两个汤，龙虾汤味道一般无乜特别。接住就系一个炒青菜其后就系烧乳鸽。我好欣赏佢烧完热辣辣出黎既感觉。放系口边系会辣咀，乳鸽既火候掌握得不错，烧到皮脆肉又唔鞋，配上瑞士汁同柠汁调味。不错不错！干炒牛河方面，牛肉十分高质，完全无腌肉粉既味道，河粉炒得够干身，都唔算太油，加上几条菜心和下口，都值得推荐！最后上埋甜品同餐茶，但呢个西米布甸就认真麻麻，预先整定加上雪得太耐，有一半系起哂沙唔食得。餐茶就不过不失，无乜茶味。不过胜在呢间话哂都系西餐厅，即使出面排哂队都唔敢催我地走，所以环境系认真不错！