金翠餐廳

营业中

休息中

好耐冇食过呢啲怀旧港式餐厅 行过见到 价钱唔贵 就入嚟试吓 怀旧一下🤪金翠巨人杂扒餐入面就包左餐包 餐汤同杂果沙律个杂扒餐入边有猪扒 鸡扒 牛仔骨 司华力肠 烟肉 煎蛋 有黑椒汁同烧汁拣 我就拣左烧汁可以拣铁板上或者碟上 我就拣咗碟上 因为食嘅时候会方便啲 不过个杂扒嚟到嘅时候真系多到吓亲我呀 啲肉夹到劲高 真系一个人冇可能食得晒呀 佢嘅猪扒同鸡扒都好厚 牛仔骨都唔会好韧 司华力肠超大条啊🤩食完之后仲有一个啫喱送 啫喱加花奶真系最佳嘅配搭😋嘢饮仲可以免费配红豆冰 真系好地道嘅港式冰室呀🤣另外就叫咗个金翠牛柳 包埋烟肉同煎蛋佢全部餐都有包餐汤餐同嘢饮 最后都有一个啫喱送 牛柳可以拣三成五成或者七成熟 块牛柳都好大块 真系净系食块牛柳都够晒饱啦🤤咁样埋单都系三百几蚊 但系就已经食到我哋两个捧住个肚走 真系好抵呀😍