悉尼樂園 (已結業)

一直都好想去呢间搞鬼又趣味嘅cafe，一踏入门口就见到好多怀旧摆设同玩具，墙身有可爱涂鸦，环境带点昏暗，搞怪玩味十足，整间cafe都系打卡位！餐牌主打即叫即制嘅西式cafe食物，有意粉、沙律、小食同甜品等，饮品除左咖啡外，仲有mocktails同cocktails。喇沙龙虾汁配大虾长通粉 $148浓郁既喇沙龙虾汁，配上爽口弹牙嘅大虾同车厘茄，口感好丰富，长通粉烟烟韧韧，挂满浓稠嘅喇沙龙虾汁，整体味道鲜味带微辣👍南瓜蟹肉烩饭 $138啖啖充满南瓜香味，中间夹杂着一丝丝嘅蟹肉， 烩饭食起来有颗粒感，唔会太软烂，吸饱了汤汁，味道更浓郁鲜美。白酒忌廉蓝青口配法包 $78蓝青口配白酒忌廉汁味道香滑，蓝青口毋须加盐都够鲜味，再配上法包蘸汁同吃，滋味无穷。Peach 1664 Blanc Beer $801664 Blanc 小麦啤酒加入桃汁、接骨木花同薄荷等，饮落带有淡淡嘅桃味，味道清新，仲够晒冰冻！士多啤梨忌廉沙冰 $50沙冰内有粒粒士多啤梨果肉，配合牛奶沙冰好有口感，面头加上忌廉，口感香甜顺滑。