影片
更多
2020-11-20
1099 浏览
成日听人讲九龙城打边炉正，但我又未试过，所以寻晚就特登去九龙城试下打边炉啦。其实我都唔知九龙城最正嘅边炉系边间，不过我食完之后觉得呢间都几正。呢间火锅系sell怀旧风嘅，店内装修好似几十年前啲舖头咁，都几得意。同埋注意，佢系怀旧唔系残旧，所以虽然设计怀旧，但啲台凳其实系新净干净嘅，所以都坐得舒服。仲一路播住啲怀旧歌曲添。食食下听到佢突然播生日歌，应该系有人生日，睇黎呢到几适合同朋友庆祝生日。不过寿星啲朋友好似真系唔太识做，播生日歌𠮶阵都唔拍手，又唔一齐唱嘅，尴尬。定系其实系寿星想低调呢？所以我都唔知系边台有人生日。入返正题，讲讲我食左啲咩先。🥣老港沙嗲锅 $108沙嗲锅好浓味，浓到唔似沙嗲汤，似食嘅沙嗲汁多啲，好正。汤入面会食到有花生，汤嘅味道已经好足够，唔需要再点豉油，用唔著我亲自精心调配嘅酱料。装汤只锅好宽好大只，比较平身，啱晒用嚟打边炉。🦐芝士虾丸（半份）$58芝士虾丸有四粒，虾味十足，好弹牙。咬落去会爆芝士，芝士好香，同时唔会盖过左虾嘅味道。🐮安格斯牛肉（细）$168牛肉系有惊喜，虽然作为一个穷学生嘅我拣咗最平嘅牛肉，但系出嚟嘅牛肉好靓，每片嘅牛肉厚度切得非常工整，雪花牛肉食落
呢间火锅系sell怀旧风嘅，店内装修好似几十年前啲舖头咁，都几得意。同埋注意，佢系怀旧唔系残旧，所以虽然设计怀旧，但啲台凳其实系新净干净嘅，所以都坐得舒服。仲一路播住啲怀旧歌曲添。
食食下听到佢突然播生日歌，应该系有人生日，睇黎呢到几适合同朋友庆祝生日。不过寿星啲朋友好似真系唔太识做，播生日歌𠮶阵都唔拍手，又唔一齐唱嘅，尴尬。定系其实系寿星想低调呢？所以我都唔知系边台有人生日。
入返正题，讲讲我食左啲咩先。
🥣老港沙嗲锅 $108
沙嗲锅好浓味，浓到唔似沙嗲汤，似食嘅沙嗲汁多啲，好正。汤入面会食到有花生，汤嘅味道已经好足够，唔需要再点豉油，用唔著我亲自精心调配嘅酱料。装汤只锅好宽好大只，比较平身，啱晒用嚟打边炉。
老港沙嗲锅
$108
25 浏览
1 赞好
0 留言
🦐芝士虾丸（半份）$58
芝士虾丸有四粒，虾味十足，好弹牙。咬落去会爆芝士，芝士好香，同时唔会盖过左虾嘅味道。
芝士虾丸（半份）
$58
22 浏览
0 赞好
0 留言
🐮安格斯牛肉（细）$168
牛肉系有惊喜，虽然作为一个穷学生嘅我拣咗最平嘅牛肉，但系出嚟嘅牛肉好靓，每片嘅牛肉厚度切得非常工整，雪花牛肉食落好好味，牛味极浓。有十四片。
安格斯牛肉（细）
$168
42 浏览
0 赞好
0 留言
🐔鲜鸡件 $68
鸡肉食到几新鲜，份量几多，好有鸡肉嘅鲜味，呢个价钱算系几抵食，几高质。
鲜鸡件
$68
22 浏览
0 赞好
0 留言
🥠生根 $38
生根真系俾咗好多，我数过有成十一旧，我就最钟意食生根，因为佢好吸汤，生根吸晒沙嗲啲汤之后真系好正。
🍜出前一丁 $18
沙嗲汤我自己就觉得最夹出前一丁，面会吸收晒啲沙嗲汤，加上呢个汤底咁浓，煮出嚟嘅出前一丁完全系好似沙嗲捞丁咁，正啊。
🍭糖不甩 $0
糖不甩形状好似一条鱼咁，有两条糖不甩，会放入沙嗲汤入面煮。煮完之后再捞花生同埋砂糖。糯米好有咬口，配埋花生糖，咸香加甜味嘅味道十足，好食。
糖不甩
35 浏览
0 赞好
0 留言
🍮啫喱 $0
最后食完有啫喱送，啫喱上面嘅伞好得意。有一层花奶，个人认为啫喱比较偏硬身，但味道都唔错。
啫喱
14 浏览
1 赞好
0 留言
‼️注意每人要加$15酱料茶芥。
话说我同朋友两个都傻傻地著左白色衫去打边炉，仲要系食沙嗲汤底，好彩最后啲汤冇弹到件衫姐。但建议大家打边炉要著深色衣物。
张贴
