寶石餐廳 (已改名) 查看

今晚入元朗试下怀旧扒房宝石餐厅，门面一整面红砖墙相当显眼，入到餐厅散发一种年代感，装饰枱櫈每一个细节处都渗透怀旧色彩。肚仔有啲饿同老婆点左个铁板二人餐，有多士，餐汤，沙律，主菜，饮品同甜品。我要左个罗宋汤，老婆就升级做酥皮忌廉汤，红汤满满杂菜，饮落正常，酥皮焗得几好，不过白汤味道就麻麻，沙律拣左蒜蓉炒杂菜，食落淡淡蒜味，杂菜有口感，比普通沙律吸引。主菜方面我就贪心啲点左铁板美式杂扒，老婆就系铁板纽西兰肉眼扒，两份铁板来到吓左跳，份量超级够。杂扒有猪扒，鸡扒，牛扒同一块烟肉，每块扒都有肉味，鸡扒仲算嫩口唔柴，牛扒薄薄地都有烤纹，诚意十足。纽西兰肉眼先夸张，大大块又够厚，食落肉味都几浓，点左五成熟都系六成熟。不过真系太大份食唔哂，最后甜品都食唔落，饱住个肚走人，呢个二人餐真系够哂三个人食，正宗大件夹抵食。