影片
更多
2024-01-16
349 浏览
店内除左播住怀旧歌之外，周围都放满复古摆设，好特别，氛围感即时拉满。一坐低，店员帮手清洁完餐具就会拎一大盘调味料俾你自由选择👍▫️花雕醉美人锅🐥有好多款汤底选择，今次拣左醉鸡汤底，新鲜鸡件系另外用瓦煲仔上，唔会浸住汤咁上，可以汤滚即落，足足有成半只鸡，好抵！浓浓嘅花雕酒，岩晒冬天暖身驱寒，鸡肉渌6分钟岩岩好煮熟，嫰滑厚实，仲有阵阵花雕香味▫️珊瑚蚌一碟份量都唔少，爽口鲜甜，好新鲜▫️本地手切牛肉(细) 🥩打边炉绝对唔少得一份靓牛肉，每片牛肉雪花分布均匀，肉质鲜嫩，牛味浓郁，有入口即溶嘅感觉▫️娃娃菜打边炉最钟意娃娃菜，贪佢够入味，吸收晒醉鸡汤底，好够味，而且呢度份量都唔少▫️鸳鸯滑小朋友先做选择，直接食晒两款滑✌️黑松露墨鱼滑🦑墨鱼滑起晒胶，鲜味十足，细味又有黑松露味，两者都几夹，唔错。蟹籽虾滑🦐🦐🦐真系见到原只虾喺入面，仲好多添，啖啖虾肉，爽口弹牙，真材实料高水准！▫️脆鲩骨腩🐟好钟意食脆肉鲩，嚟到都例牌食下，以为份量好少，点知都几多，大大件，鱼味浓又爽口，好正！▫️怀旧遮仔啫喱☂️细个去酒楼饮茶成日要食嘅遮仔啫喱，呢度都一样有，仲会落埋花奶，而且仲系免费赠送㗎！儿时回亿番晒嚟▫️怀旧糖不甩除左啫喱，仲
一坐低，店员帮手清洁完餐具就会拎一大盘调味料俾你自由选择👍
▫️花雕醉美人锅🐥
有好多款汤底选择，今次拣左醉鸡汤底，新鲜鸡件系另外用瓦煲仔上，唔会浸住汤咁上，可以汤滚即落，足足有成半只鸡，好抵！浓浓嘅花雕酒，岩晒冬天暖身驱寒，鸡肉渌6分钟岩岩好煮熟，嫰滑厚实，仲有阵阵花雕香味
▫️珊瑚蚌
一碟份量都唔少，爽口鲜甜，好新鲜
▫️本地手切牛肉(细) 🥩
打边炉绝对唔少得一份靓牛肉，每片牛肉雪花分布均匀，肉质鲜嫩，牛味浓郁，有入口即溶嘅感觉
▫️娃娃菜
打边炉最钟意娃娃菜，贪佢够入味，吸收晒醉鸡汤底，好够味，而且呢度份量都唔少
▫️鸳鸯滑
小朋友先做选择，直接食晒两款滑✌️
黑松露墨鱼滑🦑
墨鱼滑起晒胶，鲜味十足，细味又有黑松露味，两者都几夹，唔错。
蟹籽虾滑🦐🦐🦐
真系见到原只虾喺入面，仲好多添，啖啖虾肉，爽口弹牙，真材实料高水准！
▫️脆鲩骨腩🐟
好钟意食脆肉鲩，嚟到都例牌食下，以为份量好少，点知都几多，大大件，鱼味浓又爽口，好正！
▫️怀旧遮仔啫喱☂️
细个去酒楼饮茶成日要食嘅遮仔啫喱，呢度都一样有，仲会落埋花奶，而且仲系免费赠送㗎！儿时回亿番晒嚟
▫️怀旧糖不甩
除左啫喱，仲有锦鲤鱼糖不甩，店员会帮忙放入火锅入面煮至软糯，再将糯米剪件，均匀咁挂满花生碎砂糖，简直为成餐饭划上完美句号。
张贴
