芝心糖人街 (已結業)

去完朋友屋企玩, 谂住响附近食埋糖水做宵夜, 见呢间夜妈妈仲灯火通明, 地方宽落, 啱晒我地成班哗鬼.睇完餐牌, 有怀旧糖水, 有凉粉, 有西米, 黑糯米系列, 唔钟意水野, 仲有雪糕, 班戟之类.细个果阵亚妈成日响街市买旧凉粉返黎做甜品, 长大成人都已经好少食, 今晚一于怀旧下要个<西瓜凉粉>$30. 份量好足, D凉粉同西瓜多到爆出黎, 西瓜新鲜爽甜, 食落起沙, 凉粉质感韧韧地. 而糖水底系花奶, 唔会太甜, 入口够香滑.仲有同朋友share<盐酥鸡>$30, 件数都唔少, 炸得够香口够脆, 干身唔油腻. 肉质几滑唔鞋, 肉汁锁死响鸡肉入面, 仲有甜酸酱可以调味.