生隆餅家

营业中

休息中

花生糯米糍（$25）有花生馅/豆沙馅，糯米糍就梗系衬花生多啲啦。一盒有六粒，正常size，可以一口一个。糯米粉皮软糯，馅料除咗花生，仲有椰丝，唔系好甜，花生味唔算浓。芝麻糕（$6）本来想买「菲林卷」，但至少两条起，见到隔离有芝麻糕，咁就啱嘞。芝麻味是有的，亦香，但未算好浓味，而且唔算好甜。红豆糕（$6）谂住落单嘅时候，见到红豆糕新出，忍唔住买埋。劲多红豆，成个底舖到密密麻麻，咬落好实在，同样不是好甜。砵仔糕（$6）睇睇吓见到，又好似好耐无食过，一于买埋你啦。红豆粒适量，咬落都好实在，少少甜，小时候的味道。