瑞士咖啡室 (已結業)

以怀旧装饰风格嘅茶餐厅，门面已经相当吸引。舖头入面一样怀旧，连壁画都系用麻雀砌出嚟，好港式风味!早餐选择超级多，早餐供应到12点，啱晒我呢啲懒瞓一族。而早餐方面，最特别同最想试就系早餐极品嘅沙嗲牛肉潜艇。火腿奄列、仿鲍片火腿通粉+沙嗲牛肉潜艇 $40份量超大!! 饱到我都食唔晒呀!!仿鲍片火腿通粉味道方面，仿鲍片略为咸咗少少。沙嗲牛肉潜艇个包烘过，有少少脆卜卜，沙嗲嘅味道好好味!!牛油皮蛋挞($5)，蛋部份甜咗少少。早餐B - 沙嗲牛肉面 配 餐肉、煎蛋、牛油多士。沙嗲牛肉好味，面就比较淋身少少。牛油多士味道唔多，只系唔够脆。一般都要排队，但等候时间都唔算好耐，下次会再嚟试其他早餐。