金鳳大餐廳 (金鳳樓)

营业中

休息中

今日嚟到太子呢一边食呢一间金凤餐厅，细细个嘅时候屋企人已经带我去佢其他唔同嘅分店，今次再嚟食，简直系回忆，餐厅嘅装修非常怀旧，入到去侍应姐姐亦都非常有礼貌咁介绍餐牌，今日同屋企人去食，我就拣咗以前最钟意食嘅杂扒餐，屋企人就拣咗t bone! 每一个套餐嘅价钱包括左餐包，餐汤，冷热饮品一杯，当然唔少得我哋嘅主角铁板餐 我哋喺晚上大概6:30嘅时间去，餐厅差唔多到爆场，见到每一个人都要铁板餐，搞到我都非常期待自己嘅铁板餐！餐汤我哋一个罗宋汤一个忌廉汤，都系充满怀旧嘅味道，份量都唔算细，传统嘅餐包再加牛油简直系细细个嘅回忆！等咗唔使15分钟，我哋嘅餐终于到达！我哋可以拣蒜蓉汁个仔黑椒汁，我今日就拣咗黑椒汁！炸一声！我嘅铁板餐有一条肠仔，半条司华力肠，猪扒，牛扒，火腿仲有薯条同埋杂菜！佢嘅牛扒控制得非常好，系我哋最钟意食嘅港式据扒套餐嘅味道！份量嚟讲，呢一个餐真系非常多，可见非常抵食！猪扒，亦都唔会有太硬嘅情况，加埋黑椒汁嘅配搭，非常match！见到隔篱枱嘅蒜蓉汁好正，决定下次返嚟试吓最后加多杯冻柠茶，冻柠茶茶味都非常够，夏天饮非常消暑！呢度简直系童年回忆嘅集中地！钟意食港式锯扒嘅朋友，绝对唔