萬芳冰室 (已結業)

国内嘅朋友嚟咗香港，我就梗系带佢试吓香港嘅原始味道啦，今日嚟到万芳冰室，呢度嘅装修十分之怀旧，充满着六七十年代嘅香港嘅味道，但系你唔好睇佢装修咁怀旧啊，啲食物一啲都唔怀旧绝对讲得上系新潮啊。粟米鸡粒饭，一上枱新鲜热辣，份量都唔少架，鸡肉又滑又爽，我朋友食完大赞好味，呢间冰室果然系与时并进啦。我就叫咗个白汁焗鱼柳饭，叫得焗饭就梗系要等番一阵啦，因为新鲜焗起㗎嘛，一上枱，已经闻到震震嘅芝士香味，鱼柳十分之大件，而且仲有两件啦，果真抵食，依个饭系炒饭底，粒粒饭香，而且仲有鸡蛋嘅香味，果然顶呱呱，份量又大，真系几大食都够晒饱至于饮品方便我就叫咗一杯唔系度度都可以饮到嘅谷咕，记得细个嘅时候，去茶餐厅都可以饮到，但系而家嘅香港，已经唔系间间茶餐厅都可以再品尝到啦，难得可以喺呢度一再遇见