Henry's Kitchen (已結業)

15/3/2008 星期六睇到个email系介绍henry's kitchen，有羊架食，我亚妈钟意食羊架，咪谂住星期六晚同屋企人去试下哩间餐厅啰。7点半钟去到，见到间舖豆润咁细，坐满晒人，但系都黎到啰，都问一问啦。我地晌门口装下装下，跟住我妈咪就推门入去。我地晌出面等紧个阵，已经望到入面个女侍应一路"妙"咀"妙"舌咁行出黎，一脸不屑咁。我地同佢话"三位丫唔该"，个女侍应即刻劲样衰咁讲"唔好意思我地full booking喇"，佢个句"唔好意思"唔好以为系有礼貌，个只语气系"唔好意思㖞，家下无位招呼你地！"啰。跟住个侍应叫我地听晚黎过，我亚妈咪话"听晚先算啦!!"都废事睬佢!!乜而家做服务行业d人咁架咩？你唔忧做都唔洗咁o既态度啰!!你到底识唔识做侍应架？你问下我地介唔介意等唔得架咩？你唔识解释返个情况架咩？不知所谓！哩篇纯粹系讲个服务，各位有兴趣去俾人咁对侍就去哩间henry's kitchen啦!!