影片
更多
2019-06-16
252 浏览
对于一个钟意食饺子嘅人来讲，我已经去过好多间食饺子，呢一间观塘店应该系新开，所以我就决定去试一试。我最钟意试新店，入到去坐低，我哋叫咗西洋菜饺，同埋煎芝士粟米饺，再加一碟鸡丝粉皮，叫左三样嘢，会跟送汤俾我哋。呢间店系卖饺子，所以我对佢哋嘅饺子系有要求，先讲西洋菜饺，淡而无味，但仍然食到有西洋菜味，谂住点辣椒酱，点知辣椒酱都唔辣，所以第一只饺子系输咗。之后来鸡丝粉皮，相反呢一个小食仲好味过饺子，粉皮皮薄酱汁多，加上鸡丝份量都好够，相比起饺子更胜一筹。之后上个鱼汤，虽然有腥味（其实我钟意），所以其实系好好饮，因为有腥味即系佢嘅鱼份量好够，再加上豆腐粒同埋葱，味精唔多，热辣辣上枱，真系好正！最后就系芝士粟米鲜肉饺，我哋选择左用煎嘅方法，煎完出嚟肉汁仍然系饺子入面，咬开就流出来，我最钟意食芝士，如果芝士味再重啲就好啦，相比起西洋菜饺，芝士粟米饺就更加好食，而且两个煮法都唔同，西洋菜用滚嘅方法，芝士粟米饺就用煎嘅方法，唔知咁样会唔会影响味道呢？确实，小食同个汤比起佢专卖嘅饺子好食好多，相信仍然有进步嘅空间。不过想提一点，个店主或者系老板（几靓仔）其实系好用心去试业，因为出错单、迟上菜、招呼、收钱
我最钟意试新店，入到去坐低，我哋叫咗西洋菜饺，同埋煎芝士粟米饺，再加一碟鸡丝粉皮，叫左三样嘢，会跟送汤俾我哋。
呢间店系卖饺子，所以我对佢哋嘅饺子系有要求，先讲西洋菜饺，淡而无味，但仍然食到有西洋菜味，谂住点辣椒酱，点知辣椒酱都唔辣，所以第一只饺子系输咗。
之后来鸡丝粉皮，相反呢一个小食仲好味过饺子，粉皮皮薄酱汁多，加上鸡丝份量都好够，相比起饺子更胜一筹。
之后上个鱼汤，虽然有腥味（其实我钟意），所以其实系好好饮，因为有腥味即系佢嘅鱼份量好够，再加上豆腐粒同埋葱，味精唔多，热辣辣上枱，真系好正！
最后就系芝士粟米鲜肉饺，我哋选择左用煎嘅方法，煎完出嚟肉汁仍然系饺子入面，咬开就流出来，我最钟意食芝士，如果芝士味再重啲就好啦，相比起西洋菜饺，芝士粟米饺就更加好食，而且两个煮法都唔同，西洋菜用滚嘅方法，芝士粟米饺就用煎嘅方法，唔知咁样会唔会影响味道呢？
确实，小食同个汤比起佢专卖嘅饺子好食好多，相信仍然有进步嘅空间。不过想提一点，个店主或者系老板（几靓仔）其实系好用心去试业，因为出错单、迟上菜、招呼、收钱、追单、安排外卖⋯⋯主力都由佢一手包办（重有一个职员帮手），加上工作态度认真诚恳，同唔同嘅客人都讲「唔好意思」，而且我听到有两三枱客，都系再返嚟食嘅食客，坐我哋隔离嘅阿姐介绍我哋食卤水蛋同埋青瓜添！确实真系一分钱一分货，但而家呢啲嘅工作态度，系真系需要嘅，希望佢可以再钻研下包饺子嘅方法，生意会蒸蒸日上。
16 浏览
0 赞好
0 留言
张贴
