泗益

营业中

休息中

一般都好少会写食评，但系今次真系忍唔住要写出嚟。今日趁假期谂住来试吓有名嘅西多士。中午12点三嚟到，人不多。有礼貌地想叫嘢食，𠮶位喺度做嘅女士态度奇差地话已经闩门。因听闻佢哋下午会再开门，我再问下午几点钟可以再嚟。𠮶位女士用耻笑嘅态度话听朝五点, 话自己朝早五点开工。仲要自己和几个熟客哈哈大笑。令一台客人都睇唔过眼主动答我下午一点可以再嚟。真心想问吓点解一个有礼貌嘅食客只系想过嚟食嘢都要俾人羞辱？！佢明知我问乜都答非所问！如果净系谂住做熟客生意不如大字标题members only啦! 今时今日咁嘅服务态度真系香港耻辱！唔会再去帮衬！奉劝各位唔介意俾人羞辱嘅话先好去。好食嘅西多士其他地方都有。