名苑酒家

营业中

休息中

我上星期某日早上本来想试吓新嘢，点知比个楼面经理搞到好唔开心，我本来行入去饮茶，点知比个黑色衫男经理拦截住问我有冇订枱我话冇，咁佢就话咁呀你唔好坐咁近人呀！跟住(心谂)本来话唔好坐人咁近都冇乜问题嘅！疫情关系都正常嘅，但系个男经理将我带到去最近酒楼门口最近住电梯口最边边𠮶张枱仲要比白胶板格住坐到最右手边，酒楼入边其实都唔系爆满𠮶只嘅！本来我以为个个都系咁咁冇乜所谓啦咁我坐低饮茶啦！点知后来有两个阿姨系我之后行紧入去，完全冇人拦住佢哋可以正常咁行入去行到去最多人𠮶边嘅枱坐低饮茶！点解净系拦截我呢仲要将我安排到去间酒楼最边边𠮶张枱呢？我即时呢好唔开心啦打电话同朋友倾！朋友问我𠮶个经理系唔系当左你系宾妹啊？你知啦而家宾妹群组啊个经理实系当咗你啊宾妹啦咁样嚟对你，咁我当时真系好唔开心即时起身走人，走出搭lift啰叫咗茶都唔饮啰！咁嘅酒楼仲有人话佢哋服态度亲切，完全系呃人㗎啰，呢次都系我有史以来第一次写嘢因为真系好唔开心😫从来都未试过饮茶受到咁嘅待遇真系嬲到爆啰😡